زلفی آغ،اشگی روان،قدی کمان ،وای نه نه وای

چشمه تک سینه سینینون قانی آخان وای نه نه وای

درب سوزانه قویوب زینب نالان یوزونی

دولدوروب اشگ گهر باریله گریان گوزونی

گه باخور دربیله دیواره دیور دل سوزونی

در و دیوار آراسیندا یخیلان وای نه نه وای

اودلانان درگهی نالان یخیلان وای نه نه وای

سؤزی آهسته دیور تیتره دور افلاکی سؤزی

سینه سی آه شراریله یانور تیترور اوزی

قلبینون قانیله ممزوج اولوری اشگ گوزی

گینه آهسته دیور قدی اولان خم نه نه وای

توکولن اوستونه بار محن و غم نه نه وای

شب دیجوره دونن گوندوزی ظلمانی اولان

سو کیمی جاری یره سینه سینون قانی اولان

زعفران تک سارالان صورتی الوانی اولان

تازیانه یری بازوده قالان  وای نه نه وای

باد جوریله گلستانی سولان وای نه نه وای

عمرینون باد ستمدن سارالان گللری وای

غنچه نسترن و سوسن و سنبل لری وای

باغلانان جوریله  بال و پری بلبل لری وای

گلینه  بلبلینه حسرت و دلخون نه نه وای

گوز یاشی گل یوزونون شبنمی محزون نه نه وای

الده دفتر قلمیم سؤزلریوین غمکشیم

سیلی دن قانه دولان گوزلروین غمکشیم

چمن و گلشن و گل یوزلریوین غمکشیم

آغلارام شام و سحر حالیوه ای قلب رسول

بلبلم بو پوزولان گلشنویوه زار و ملول

شاعر استاد غمکش

شهادت مظلومانه دخت رسول زهرای بتول سیده زنان عالمین حضرت صدیقه کبری فاطمه زهرا بر عموم شیعیان تسلیت باد…